Gruponan di riesgo mester ta alerto riba Monkeypox

WILLEMSTAD – Na Kòrsou, meskos ku sobrá di mundu, gruponan di riesgo mester ta alerto riba Monkeypox. Profesor Ashley ora ku e monkeypox a surgi, na Kòrsou dokter Gerstenbluth a informa dokternan di kas ampliamente. Entre otro a repasá.
Mientrastantu e sifranan di monkeypox ta subi rònt mundu. Organisashon Mundial di Salú (WHO), a indika ku e paisnan mester ta bon ekipá ku informashon. Segun dokter Duits, e informashon mester bai prinsipalmente pa e gruponan di riesgo. Den tur pais kaminda tin Monkeypox, a konstatá ku kasi 95% di e pashèntnan ta hende hòmber ku tin sex ku hende hòmber regularmente i ku diferente partner. Duits a indiká ku ta hustamente den e grupo ei, e virus a drenta. Mester realisá ku e virus no ta diskrimina. Ku enfasis profesor Duits a bisa ku no ta trata di diskrimashon ni tampko stigmatisashon di hende, pero e grupo di riesgo ta esun ku ta hopi aktivo den un plataforma. E virus por ekspande bou di kualke aktividat kaminda ku hendenan tin kontakto intimo ku otro na un manera frekuente. E grupo di hende homber ku tin seks ku hende homber, ta un dje gruponan ei kaminda ku e virus a drenta den. I si den un temporada kòrtiku bo tin kontakto íntimo ku diferente persona, na un frekuensia hopi altu, no ta importa e virus ta ken bo ta. E virus por ekspande, pasobra e Monkeypox ta base di kontakto íntimo, e ta infektá hende di ún pa otro. Ela surgi den e grupo di hòmber ku hòmber ku tin relashoná seksual ku otro, pero e resulta den kualke otro grupo. ‘Pero na e momentu aki ta den e grupo aki e ta ekspande su mes rapidamente, pasobra e aktividatnan ta duna chens pa ekspandé’.
Aktualmente e kantidat mas grandi di e kasonan di Monkepox ta na Oropa i teniendo kuenta ku ta temporada di Festival i karnavalnan, e informashon mester yega serka tur hende ku nan mester kuida nan kurpa, Duits ta sigi bisa.