Gratitut

Gratitut ta un di e sentimentunan mas poderoso
ku bo por usa pa atraé abundansia i bienestar
na bo bida. Sin importá ken bo ta òf unda bo ta,
gratitut tin e poder pa eliminá tur tipo
di negativismo den bo bida.

Permití mi splika bo kon algu asina simpel,
manera yama danki, por kambia bo bida.

E sientífiko Albert Einstein a demostrá ku apsolutamente
henter Universo ta energia. Nos sernan humano tambe
ta energia vibrando den distinto frekuensia .
Bo pensamentunan, sentimentunan i kreensianan ta esnan ku ta
determiná e tipo di vibrashon i e frekuensia di bo energia.

Ora enfoká bo pensamentunan den yama danki i, asina mes,
ora di ta agradesidu ora bo ta papia i sinti, bo ta kombèrtiendo
frekuensia di bo energia den lo mas poderoso i sagrado
di e vibrashonnan.

Gratitut ta atraé gratitut i miéntras bo ta sinti bo mes agradesidu
lo bo ta atrayendo di forma poderoso energianan similar
na bo bida, ku na su turno, lo laga bo eksperimentá ainda mas
situashonnan pa kua lo bo ta agradesidu.

Den otro palabranan, lo bo ta kapas pa atraé personanan,
sirkunstansia i situashonnan ku lo yena bo bida di bienestar.
Ta simplemente imposibel atraé bienestar na bo bida
si bo ta insatisfecho ku loke bo tin aktualmente.
Dikon? pasobra pensamentu i sentimentunan ku ta sali di bo
ora bo no sinti bo mes kontentu ta atraé mas situashonnan negativo na bo bida, sirkunstansianan ku lo laga bo sinti bo mes ainda mas insatisfecho.

Emoshonnan manera selo, resentimentu òf sentimentunan
di insatisfecho dilanti bida no ta hasi mas ku stroba bo
ku loke bo ta anhelá den bo bida yega na bo, blòkiando
asina e kaminda na bo deseonan.

Laga nos pone komo ehèmpel ku bo tin ansha pa tin un outo nobo, pero bo no ta sinti bo mes agradesidu ku e outo ku bo tin awor.
E sentimentu ei di insatisfecho lo ta e energia dominante
ku lo bo ta mandando pafó, ku no lo hasi nada mas ku stroba
bo pa por tin un vehíkulo mihó.

Al kontrario, si bo manifestá agradesimentu pa loke bo tin
aktualmente lo bo ta invokando di forma poderoso e posibilidat
di poseé un mihó. E situashonnan negativo ku bo ta
eksperimentá den bida ta kousá dor di a bira
lomba pa tur e bon ku ta destiná p’abo.
Señor ta semper presente i dispuesto pa manda
tur su bondat pa nos.

Ora bo enfoká bo esfuersonan den ta agradesidu,
tantu den bo pensamentunan komo den bo sentimentunan,
bo ta dunando bonbiní na hinter e bienestar
ku E ta ofresé bo permanentemente.

Pero ora bo ta keha, kulpa, kritiká, bo ta sinti bo mes molestiá,
selo, òf ta eksperimentá kualkier otro emoshon negativo,
bo ta birando lomba pa henter e bienestar
ku Dios tin reservá p’abo.