Gol di Embolo ku sentimentunan miksto a gana di Kameroen

DOHA (C) – E selekshon si Suiza a sa di gana ku skor mínimo di 1-0 di e selekshon di Kameroen
Tabata un gol di netamentu e hungadó Embolo ku a nase na Kameroen i kende su mayornan a parti ku otro i ela bai biba ku su mama na Fransia pa despues nan bai Suisa kaminda na 2014 ela risibí e pasport di e pais aki.

E lo por a hunga pa tur dos selekshon pero na final ela skohe pa Suiza .

Ayera tabata su persona kende a nota e gol di viktoria pa Suiza.

Por a tuma nota ku e no a selebrá engrande e gol aki pero mas bien sentimentunan miksto.
Su kompañeronan a yega brasa i e ora ey numa ela manera pone un sonrisa riba su kara.
Tabata un situashon duru pa e hungadó aki di 25 aña di edat.
Ounke ku den e promé tempu aki tòg ta e ekipo di Kameroen ta tin e mihó wega.
Pero e portero di Suiza sigur a hunga un tremendo partido pa tene su arko liber
Den di dos tempu Suiza a kuminsá move mas i aki ta e portero Andre Onana ku ta trese salbashon na vários okashon.