Gobiernu ta tarda pa kobra tarifa di casinonan te e sèn kaba

WLLEMSTAD. Un entidat, un instansia, un departamentu gobiernu mester tene responsabel si nos pais laga e oportunidat pasa pa kobra pèrmit finansiero pa usa nos sistema di wega di plaka online.
E ekspertonan di gobiernu ta bira-bira tantu aña kaba pa kaba di traha e lei pe drenta na vigor ku dia e momento yega ku por kuminsa kobra ofisialmente, sektor di casino i online ta plam´ur oro kaminda menos Korsou.
Es ku no ta wega e plaka aki ku casino online por produsi ta: 40 mion florin e aña aki só!
E problema ta ku trahamentu dje lei ta dura asina tantu ku gobiernu no ta kere mas di por alkansá e meta di bende 40 mion florin na lisensia e aña’ki i lo tuma 18 mion florin numa.
Esei ta nifika ku den e añanan binidero tambe e entrada lo sigi baha pasobra e lei lo ta kla te fin di e aña’aki.
Pa otro aña Kòrsou a konta ku un entrada di 25 mion florin adishonal pasobra a subi e tarifa di lisensia di casino.
Sinembargo e oumento aki mester a sirbi pa kumpli , e kompromisonan di gobiernu den e kaso di Girobank.
Ki ta pasa: no a oumenta e tarifa i Kòrsou a bolbe baha e plaka for di presupuesto.
Awor nan tin gera ku Banko Sentral pa laga Banko Sentral mes paga e labatiba di Girobank.
Pero sin akuerdo lei ta bisa ku e suma mester ta riba presupuesto di Korsou.
Si e areglo aki no ta posibel, Korsou ke paga e debe di Korsou na 2026 pero Korsou so no por tuma un desishon asina.
Konsekuensia: impakto frontal entre gobiernu di Kòrsou Banko Sentral.