Gobiernu ta paga Laptop Apple Pro $1650 pa kliente

KRALENDIJK. Aplikashon di lei sivil den Reino Ulandes hopi biaha ta dependé dje interpretashon di un wes individual ki ta su konsepto riba un tema.
Boneiru ta un munisipio ulandes i komo tal reglanan sosial i ekonomiko ta na vigor na Boneiru.
Asina lei di Onderstad ta kai bou di Ministerio di Asuntunan Sosial ulandes i un kliente di Sociale Zaken Boneriano tin ku reklama e minister ulandes ora nan tin diskrepansia. Resientemente wes a tuma desishon ku Sociale Zaken ulandes tin ku paga un siudadano Boneriano US$1650 pe kumpra un laptop Apple MacBook Pro.
E siudadano kende tin un hèndikèp konfirmá pa su neurosikologiko asina lo por por traha i sostené su mes. Minister apelá e desishon aki pero wes a dikta ku Sociale Zaken mester paga e laptop ounke Minister di Asuntunan Sosial a apelá e desishon.
Un kaso di gobiernu kontra gobiernu pues.

ONDERSTAND SPESHAL
TA POSIBEL
Na munisipio ulandes boneriano un minister por konsedé onderstand speshal sea den forma di kèsh of den forma di material na e kliente of famia pa kria su mes of su famia si e no por traha normal.
Wèl t’asina ku si minister duna e Onderstand den forma di material, mester ta e material of produkto mas barata.
Minister a ninga di paga e laptop pasobra e no ta un produkto nesesario pa su eksistensia diario pero na lugá di rechasá e petishon, gobiernu por a buska un laptop mas barata.
E kliente mes nunka a bisa ku e kompiuter mester ta un Apple Laptop MacBook Pro i p’esei wes a determiná ku tin ku paga 1650 dòler pe kumpra e laptop. I si e sali mas karu, e tin ku paga e diferensia.
Na final a desishon a kai ku Sociale Zaken lo paga 1650 dòler i e kliente lo paga sobrá ya e por traha i kria su mes.