Gobièrnu merikano lo permití ku dos: Empresa ekstranhero lo por kuminsá manda petrolio Europa for di Venezuela

WASHINGTON – Departamento di Estado merikano a duna su bendishon den fin di siman ku a kaba di pasa pa dos empresa petrolero ekstranhero por kuminsá manda petrolio venesolano pa diferente pais den Union Europeo.
E dos kompanianan ku a haña konseshon di gobièrnu merikano pa manda petrolio for di Venezuela pa Europa ta e kompania petrolero Italiano Eni SpA i Repsol SA di Spaña.
E plan ta pa nan por kuminsá manda petrolio venesolano pa fin di e luna aki mes.
E motibu dikon atministrashon di Joe Biden a tuma e desishon aki ta debí ku Rusia a stop di entrega gas i kombustibel na diferente país den Union Europeo. E kantidat di petrolio ku e dos empresanan petroleronan aki ta bai manda Europa lo yuda sigur pa evitá di tin un skarsedat.
Joe Biden ta spera ku e krudo venesolano por yuda Europa redusí dependensia di Rusia.
E dos kompanianan Europeo tin empresanan konhunto ku PDVSA i por konta kue krudo lo keda paga .