Gobiernu di Spaña ta analisando pa importá petrolio for di Venezuela

MADRID – Pedro Sánchez presidente di Spaña a manda un mensahe pa siudadanonan di su pais pa nan ta prepará pa kualkier senario debí ku tin e posiblemente ku lo bai tin un oumento di preis di kombustibel.
Den kaso ku preis di kombustibel lo sigi oumentá na nivel global esaki lo nifiká ku kosto di bida na Spaña tambe lo bai sigi subi.
Debí ku durante periodo di gobernashon di Trump a pone sanshon kontra e régimen di Maduro a pone ku Spaña mester a stòp di importá kombustibel serka PDVSA.
Gobiernu di Spaña a hañe ta bai buska otro alternativanan pa importá kombustibel serka Nigeria i Mexico.
Awor ku presidente Biden a kuminsá kita sanshonnan for di e régimen di Maduro ta bai tin e alternativa ku por trese un solushon ku at kuminsá importá kombustibel i gas na likidá atrobe for di Venezuela.
Último biaha ku kompanianan petrolero a importá krudo for di Venezuela tabata na 2019 un aña promé ku e pandemia kuminsá.
E plan ta pa Repsol ku ta e kompania petrolero di estado na Spaña ku tin bon relashon di trabou ku PDVSA kuminsá eksportá kombustibel bek manera tabata e kaso den pasado.
Unabes ku kuminsá ku importashon esaki lo nifiká ku refinerianan den region di Venezuela manera ta e kaso refineria di Kòrsou lo bai haña hopi trabou pa un tempu indefiní segun ekspertonan.
E senario ku tin den Europa lo por ta salbabida pa PDVSA i naturalmente pa refineria di Kòrsou.