Internashonal
Gobièrnu di Spaña lo bai entrega Ernesto Quintero na régimen di Maduro
MADRID – Gobièrnu di Spaña lo bai entrega e régimen di Nicolas Maduro e siudadano venesolano Ernesto Quintero ku tabata empleado di un kas di Bolsa na Caracas ku a malversá $50 mion.
Ernesto Quintero tabata ehersé un trabou di konfiansa komo atministrador i ABA Mercado de Capitales ku
ta un kas di bolsa balores ku a keda intervení pa Hugo Chávez na 2010.
Wes di Korte di hustisia na Madrid ku a atendé ku e kaso aki a tende abogadonan di Ernesto Quintero i tambe fiskalnan ku a investigá e kaso aki.
Tabatin sufisiente prueba ku Ernesto Quintero a transferí $50 mion di e fondonan di ABA Mercado de Capitales pa diferente kuenta bankario na Spaña. Na momentu ku Ernesto Quintero a kometé e krímen aki ela bandoná Venezuela i bai radika na Madrid kaminda e tabata biba un bida di luho.