Gobièrnu di Gustavo Petro: Lo aktivá koperashon hudisial entre Venezuela i Colombia

BOGOTA- Armando Bennedetti embahador resien akreditá di Colombia ku ta stashoná na teritorio venesolano a anunsiá ayera ku formalidat ku lo bai aktivá koperashon hudisial entre Venezuela i Colombia.
E motibu dikon gobièrnu di Gustavo Petro lo kuminsá aktivá e koperashon hudisial aki ta debí na e ola di asesinatonan ku kriminalnan venesolano ta kometiendo na Bogota i otro parti di suidatnan importante na Colombia.
Claudia López alkalde di Bogota ta man na kabes ku e geng kriminal venesolano ku yama “El Tren de Aragua” ku tin e suidat terorisá.
Tin indikashon ku miembronan di “El Tren de Aragua” ta keda kontrolá pa lidernan di e organisashon kriminal for di e sentro Penitensiarío de Tocorón na Venezuela.
Den e kaso aki segun alkalde Claudia López mester di koperashon di outoridatnan hudisial na Venezuela pa kaptura i enkarselá tur e kriminalnan di “El Tren de Aragua” pa lokual ta pasando.