Internashonal
Gobièrnu di Costa Rica a kuminsá otorgá beka di estudio na migrantenan venesolano
SAN JOSE – Gobièrnu di Costa Rica a kuminsá ku un proyekto di estudio na nivel universitario pa asina yuda hóbennan studiante venesolano ku a inmigrá nan pais.
Ta trata aki di un gran kantidat di hóbennan studiante ku por sigi ku nan estudio universitario despues ku nan kaba nan skol sekundario.
Ta p’esei via Incofin (Instituto Costarricense de Formación Integral) instituto gubernamental di Costa Rica a pone fondonan disponibel pa otorgá bekanan total i parsial na inmigrantenan venesolano.
Fuera di esaki Incofin lo apoyá e proseso di validashon di studiantenan ku títulonan profeshonal optené na universidatnan venesolano.
María Faría ku ta embahadora asigná pa Juan Guaidó na Costa Rica a firma e akuerdo aki ku representantenan di Incofin i minister di edukashon di e pais.
Pa e próksimo aña eskolar 2022/2023 un total di 211 inmigrante venesolano lo risibí nan beka total pa studia na universidatnan ku tin na Costa Rica.