Gobiernu di Colombia i geriya ELN: A proponé pa Merka tambe partisipá den proseso di pas

CARACAS – Ayera e gobiernu di Colombia i lidernan di ELN (Ejército de Liberación Nacional) a proponé pa Merka tambe partisipá den e negoshashon di pas ku a kuminsá djaluna último na Caracas.
E negosiashonnan di pas entre miembronan di geriya Colombiano (FARC) i (ELN) a kuminsá for di tempu di eks presidente Juan Manuel Santos.
Despues na komienso di periodo di gobernashon di eks presidente Ivan Duque tabatin vários atentado di parti geriyeronan di FARC komo ELN ku a pone Ivan Duque para totalmente ku proseso di pas.
Gustavo Petro ku tabata eks geriyero di FARC ku a bira presidente di Colombia i ta difísil pa kue kabes abou debí ku e konosé e modus operandi di teroristanan aki.
Teniendo kuenta e aktual senario e geriyeronan a pidi Nicolas Maduro pa sigi ku negosiashonnan na Caracas.
Den e kaso aki tin un proseso di pas na Caracas pero tantu gobiernu Colombiano komo lidernan di geriya ta pidi pa Merka tambe partisipá na e proseso di pas.
Na mesa di negoshashon tin representantenan di gobiernu Colombiano, representantenan di Noruega, Venezuela i naturalmente lidernan di ELN.