Gobiernu di Canada a anunsiá ku lo bai prohibí uso di Huawei su 5G

OTTAWA – Kompanianan di telekomunikashon na Canada a haña òrdu ayera na momentu ku gobiernu a notifiká nan ku lo no aseptá pa instalá ekiponan di 5G
ku ta keda suministrá pa e kompania di telekomunikashon Chines Huawei Technologies Co. Ltd. i ZTE..
Canada tabata e úniko miembro di e aliansa di agrupashon di inteligensia “Five Eyes” ku no a prohibí ni restringí e uso di ekiponan di Huawei Technologies Co. Ltd. den su retnan 5G.
Otro paisnan ku ta forma parti di e agrupashon di inteligensia Five Eyes ku ta Merka, Inglatera, Oustralia, New Zeeland for di 2015 no ta hasi uso mas di ekiponan di Huawei Technologies Co. Ltd I awor a ekskluí ZTE.
Marco Mendicino bosero di ministerio di seguridat públiko a indika ku gobiernu merikano tabata pone preshon riba su aliadonan ku finalmente konseho di ministernan konhuntamente a disidí na notifiká kompanianan di telekomunikashon na Canada pa no usa ekiponan di Huawei Technologies Co. Ltd mas.
Marco Mendicino a splika ku e motibu dikon Canada i su agrupashon di inteligensia Five Eyes no ta konfia Huawei Technologies Co. Ltd ta debí ku nan ta hòrta informashon konfidensial i teknologia di e paisnan kaminda nan ekiponan ta keda instalá.