Gobièrnu a disidí ku ta paga empleadonan publiko gratifikashon

WILLEMSTAD(D) – Sindikatonan ku ta representá trahadónan públiko ta rechasá e ponensia ku gobièrnu a yega na un akuerdo ku nan relashona ku pago gratifikashon di estimulo pa amptenarnan. Den un reunion ayera di Plataforma di CGOA, minister di BPD, Ornelio Martina a hasi e parisipashon na e sindikatonan. Den e Plataforma di CGOA, negosashon mester tuma luga, pa den konsulta pa yega na un akuerdo.
Segun Juan Lourens, presidente di Straf, ayera gobièrnu a presentá ku un proposishon ku ta konsepto di un landsbesluit. Gobièrnu ta proponé pa paga 1.750 florin na kada empleado públiko. ‘‘Pero den e Plataforma di CGOA, no por bin ku un desishon premeditá’, asina Juan Lourens, ta bisa.
Loke ku gobièrnu a hasi segun e sindikalista, ta akudi ku un desishon ,konsepto di landsbesluit i tambe ku un evaluashon finansiero di loke ku e ke paga.
E lider sindikal ta sigi menshona ku defakto loke a tuma luga den e reunion di ayera tardi ta, ku gobièrnu a partisipa na e sindikatonan kiko e ta bai hasi, mientras ku pa kolmo, e artikulo 75 insisio 2 di LMA ku gobiernu a usa, è ta determina komo doño di trabou, kiko e ta duna su trahadó komo gratifikashon. E sindikatonan no a partisipa den e desishon ku gobièrnu a tuma.
Riba e pregrunta si tin amptenar ku lo sali perhudikta ku altura di e gratifikashon, pasobra e ta menos ku e plaka di fakansi ku nan mester a risibi, gobièrnu a indika ku a sali for dje punto di bista di un asina yama doornsee empleado públiko. Ta pesei gobièrnu ta kere ku tur hende lo sali benifisioso.
Lourens:’’Gobièrnu a hala aden e landsbesluit di plaka di fakansi i akuerdo di fakansi, i bisa kiko e ta bai paga. E ta un gratifikashon di estimulo pa e empleado públiko, ku segun gobièrnu no tin nada di haber ku e prima di fakansi’’.
E sindikatonan no por hasi nada si gobièrnu ke duna su trahado un gratifikashon. Nunka lo ta kontra. Pero mester ta bon kla ku e no tin partisipashon, asina Lourens a enfatisá. Mienrastantu sindikatonan ta bai sigi traha pa logra ku ta kita e 12.5 porshento di rekorte kompletamente for di mesa. Durante dje reunion internashonal siman pasa ku sindikatonan ku ta representa empleado publiko, a disidi ku ta bai eleva e asuntu akin a nivel di Reino. Ta e intenshon a den un reunion awe mainta, sindikatonan reuni pa determina kon ta bai sigi atende ku e asuntu aki. E sindikatonan ta indika ku ta empleaodonan publiko so mester karga e peso dje medida aki, loke ta algu hopi inhustu. Awe mainta ta bai sinta pa kaba di handle e strategia pa bai ehekuta loke ku mester ehekuta. E sindikatonan ta determiná pa pone gobièrnu di Reino na altura dje inhustisia aki.