Gobierno a cuminsa atende cu problema di ATV/UTV Mester regula y crea balansa entre desaroyo economico y proteccion di naturalesa

ORANJESTAD-Dialuna ultimo Prome Minister Evelyn Wever – Croes a tene un reunion conhuntamente cu diferente departamento cu ta resorta bou di Ministerio di Infrastructura entre otro DOW, DIP, DTI, KPA, DNM y DTP pa atende cu e problema di ATV/UTV. Esaki t’e prome reunion den cual Prome Minister a pidi e departamentonan pa presenta proposicionnan na Gobierno pa por regula e situacion cu ta causando daño na naturalesa.