Gobernador di Kòrsou a trata e reportahe final di formashon ku e formadó

WILLEMSTAD – Ajera tardi, Gobernador di Kòrsou, Sra L.A. George-Wout, a trata e reportahe final di formashon ku e formadó, Sr. C.A. Peterson.

Gobernador a tuma nota di e konklushonnan di e formadó en relashon ku formashon di un Gabinete nobo.

Riba djaweps, 10 di yüni 2021, lo papia tokante di e reportahe final di e formashon ku lider polítiko di Movementu Futuro Kòrsou, Sr. Pisas i ku lider polítiko di Partido Nashonal di Pueblo, Sra. R. Larmonie.

A base di e reunion akí ta determiná un momentu pa huramentá e gabinete nobo akí.