Geng na Haiti a liberá: Tres di ocho turistanan Turko ku a keda sekuestrá for di Mei

PORT AU PRINCE – Tres muhé ku tabata forma parti di un grupo di ocho siudadano Turko sekuestrá dia 8 di Mei último na Haiti pa un geng a keda liberá ayera.
E motibu dikon lider di e geng 400 “Mawozo” a laga liberá e 3 muhénan Turkonan aki ta pa problemanan di salu.
Sobra di esnan ku a keda sekuestrá pa e geng 400 “Mawozo” te ainda ta bou di nan kustodia.
Michaelle Durandis representante di e empresa di bus ku tabata hasi tour ku e suidadano nan Turko nan aki a indika ku mester a paga lider di e geng “400 Mawozo” bastante sèn pa asina liberá e tres muhénan Turko ku a bira malu.
E grupo di Turkonan aki tabata na Haiti riba un mishon edukativo i religioso segun Michaelle Durandis.
Tin informashon ku e grupo aki a yega Haiti for di 2019 i tabata duna muchanan di skol lès di idioma i enseñansa musulman. Michaelle Durandis a splika ku lokual ta pasando na Haiti ta algu insolito ya ku tin demasiado krímen ta tumando luga i outoridatnan no ta hasiendo nada.