General merikano ta afirmá ku Rusia a pèrdè 30% di su armamentunan blindá na Ukrania

WASHINGTON – Den un konferensia di prensa ayera na Bruselas Lloyd Austin sekretario di defensa merikano huntu ku general Mark Milley a duna un update di lokual ta pasando na Ukrania.
Despues ku tantu Lloyd Austin komo general Mark Milley a reuní ku ofisialnan di Ukrania a haña sufisiente informashon di e status di lokual ta pasando.
Ta un indikashon ku e Rusonan ta manda militarnan sin eksperensia bai muri den kombate ku ta algu di repudiá segun Lloyd Austin.
General Mark Milley hefe di estado mayor di Armada merikano a konfirmá ku nan ta kalkulá ku Rusia lo a pèrdè entre 20 pa 30% di su armamentunan blindá den kombate na Ukrania for di komienso di e invashon.
Lokual ta un éksito pa armada di Ukrania ta ku nan ta usando un téknika di artieria moderno ku ta dunando efekto kontra e Rusonan.