General Laura Richardson Hefe di Komando Sur di Merka a yega Repúblika Dominikana

SANTO DOMINGO – General Laura Richardson hefe di Komando Sur di Merka a yega ayera Repúblika Dominikana ku un delegashon di alto mando militar.
General Laura Richardson su estadia na Repúblika Dominikana tabatin riba agènda un mishon humanitario i reunion nan riba e tema di trafikashon di droga i trafikashon di hende.
Na e reunionnan tabata presente Teniente General Carlos Luciano Díaz Morfa kende ta Minister enkargá ku e kartera di defensa na Repúblika Dominikana huntu ku vários alto mando militar di armada i marina.
Tin indikashon ku tin un tenshon aktualmente entre Merka i Repúblika Dominikana relashoná ku eksportashon di suku.
Manera ta konosí kaba eksportashon di suku ta un di e pilar di ekonomia pa Repúblika Dominikana.
Parse ku doñonan di plantashonnan na Repúblika Dominikana ta abusá di nan trahadónan.
Esaki a kondusí ku e organisashon di Nashonnan Uni di departamento di derechonan Humano a haña informashon di lokual ta pasando i asina Merka a menasa di para ku importashon di e produkto menshoná.
Pa evitá ku mester para ku eksportashon di suku pa Merka General Laura Richardson a bin reuní ku Teniente General Carlos Luciano Díaz Morfa i pa wak personalmente ku e situashon a keda koregí.