Funshonarionan enkargá ku poder mester tin karchi di kastigu limpi

WILLEMSTAD. Funshonarionan gubernamental nombrá pa implementá maneho di gobièrnu mester tin un ‘strafblad’ limpi.
Na di dos lugá, nan mester tin e kalifikashon rekerí pa e funshon ku nan lo bai ehersé. Na di tres lugá, nan mester tin un bon reputashon y bon étika di trabou.
Gobièrnu por nombra nan, pero mester tin un komishon eksterno ku por blòkiá kualkier nombramentu, si e persona nombrá no ta kumpli ku e rekisitonan aki.
Tambe mester tin supervishon independiente y eksterno relashoná ku kobransa di impuesto, kuido médiko, enseñansa, polis i e departamento di hustisia.
E komishonnan di supervishon aki ta koperá estrechamente ku e KSIA y e Komishon Spesial di Investigashon.
Kisas e lesadó a ripará ku nos no a menshoná Boneiru den e konteksto aki. Esei kier men ku Boneiru no tin korupshon?
Nò. Boneiru tin su parti di skandalnan di korupshon. Pero pa ser sinsero, den e ramo aki Boneiru ketu bai ta un mucha chikí kompará ku su rumannan mas grandi.