Lokal
Fundashon Jireh trahando ku mucha den nesesidat a yega na 100 mucha
WILLEMSTAD. E boluntario di fundashon Jireh i alabes ta yùfrou di skol sra. Nathasja Ramazan-Boyé, tur aña ta yuda muchanan den nesesidat ku material pa Back to School.
Ne aktividat di Sandals Hotel, tabata e aktividat di back to school kaminda nan por a entrega tas pa skol na mas tantu mucha den nan historia.
‘Tur aña mi ta yuda muchanan den nesesidat tratando nan manera ta mi propio yunan. Mi a kuminsá yuda unu (1) pa despues yuda 3, despues 5, 10, 15, 25, 75 anto e aña aki nos a yega 100! E echo ku Sandals Foundation a djòin i hasi donashon di tas di skol i artíkulo ku ta nesesario a pone ku nos por a yega e kantidat asina grandi di mucha’, asina e señora a splika.
E aña aki e tabata hopi preokupá ku e lo no tin sufisiente material pa yuda muchanan pero despues Sandals Foundation a uni forsa kune ku tas, pòtlotnan di kolo, pen, buki leim i hopi otro material mas i banda di esei nan a bini ku nan boluntarionan pa hunga wega i entretené e muchanan.