Fundashon Apoyo Edukativo Boneiru (SEOB) ta buska boluntario

Kralendijk– Fundashon Apoyo Edukativo Boneiru ‘SEOB’ ta buskando boluntario pa tantu e próksimo 4 luna di aña eskolar 2020-2021 tambe boluntario pa un grupo nobo di e projekto pa e aña eskolar 2021-2022. Pues tanto pa e grupo di alumno ku aktualmente ta partisipando den e proyekto tambe pa un grupo nobo ku lo kuminsá ku e proyekto di mentoría na kuminsamentu di e aña eskolar nobo. Si bo ta un persona ku tin un diploma of nivel di pensa MBO of mas haltu i bo tin eksperiensia pa traha ku hóben i mucha di grupo 8 i promé aña Skol Sekundario, bo ta e persona perfekto ku nos ta buska. Bo kapasidat di komuniká, skucha i komprondé, i di trata mucha i hoben ku rèspèt i dignidat, ta hasi bo un persona di konfiansa pa e hoben i muchanan. Si bo ta un persona íntegro i responsabel i ta dispuesto pa mantené bo mes na un “Kodigo di Kondukta”, nos ke apelá riba bo persona pa reakshoná riba e petishon aki i solisitá komo boluntario pa e projekto di mentoría.