Deporte
Fransia ta bolbe pèrdè i tur kos ta pinta ku e ta pafó di Nations Leaque
PARIS (C) – E selekshon franses no tin muchu suerte pa loke ta trata Nations Leaque i atrobe nan ta bolbe pèrdè kontra di Kroatia i e bia aki ku skor di 1-0 Ku esaki kasi por bisa ku e no ta yega e ronda final. Awor Fransia tin dos derota i dos empate ku ta nèt 2 punto.
Ounke ku e tékniko Didier Deschamps a kuminsá ku Kylian Mbappe i Benzema den spits pero nada di esaki no a yuda pa nan por a gana.
E selekshon di Kroatie a sali skor for di 5 minüt di wega. Pa medio di un pena máksimo kobra pa Luca Modric.
Esaki a resultá e úniko gol di e partido tambe
E derota aki i e asuntu ku no por logra e buèlta final ta pone ku Fransia ta kore e riesgo pa degradá pa Divishon B. Nan falta dos partido mas pa hunga i nan ta na último luga.