Fransia a suspendé tur buelo komersial ku Brazil relashoná ku e variante PI

PARIS – Jean Castex promé minister di Fransia a konfirmá ayera ku nan lo suspendé tur buelo entre

Brazil i Fransia te ku próksimo aviso.

E motibu dikon gobiernu di Fransia a yega na e desishon aki ta relashoná ku e prologashon di e variante di vírus di covid-19 ku yama P1.

E variante aki ta unu sumamente peligroso i kontagioso

ku ta plamando di un forma bárbaro a Brazil.

E variante P1 aki ta asina peligroso ku e ta matando kantidatnan grandi di hende na Brazil pa dia.

Jean Castex a splika ku e variante P1 ta matando entre 3.800 pa 4.000 hende pa dia i ya kaba a registrá ku tin algun hende den karentena na Fransia kontagia ku e variante di P1.

Por ehèmpel si un persona mester biaha di Brazil pa kualkier suidat na Europa i ku nan mester bini Fransia nan lo tin ku hasi un PCR tèst di nobo i keda shete dia den karentena.

Unabes ku e biahero aki ta negativo elo por drenta teritorio di Fransia.

E problema ta serio i ku ta premirá ku un tèst di PCR ta mas importante ku si un hende ta vakuna kontra covid-19.