Internashonal
Francia Márquez a bira promé vise presidente afrodesendiente di Colombia
BOGOTA – E ambientalista Francia Márquez a marka historia ayera den bira e prome afrodesendiente pa bira vise presidente di Colombia.
Ayera tabata un dia grandi na Colombia na momentu ku un kandidato iskierdista ku yama Gustavo Petro ta para riba tarima huntu ku Francia Márquez ta pidi pa bini un rekonsiliashon ku otro partidonan polítiko i asina goberná Colombia pa prosperidat i pas pa e pueblo.
Tabata un elekshon presidensial pèrta te na último momentu kaminda partido di Gustavo Petro a logra haña 50.5% di voto kontra di Rodolfo Hernández su 47.3%.
Lokual ku a yuda Gustavo Petro gana elekshon presidensial sigur ta ku 10.7% di e poblashon Colombiano ta afrodesendiente.
Francia Márquez tabata e yabi ku a logra habri e porta di viktoria di elekshon presidensial pa Gustavo Petro.
Gustavo Petro a rekonosé esaki tambe i a gradisí e afrodesendientenan pa nan konfiansa i apoyo. Ta p’esei e gobiernu di Gustavo Petro lo bai buska manera pa sigi ku negoshá ku e gruponan geriyero pa kaba ku violensia i traha riba adelanto pa un i tur na Colombia.