Lokal
Frakshon di MAN ta pidi: Komishon Sentral riba e rapòrt “Nulmeting” di enseñansa
WILLEMSTAD – Frakshon di MAN a manda a pidi reunion di komishon sental ku minister di OWCS, Sithree van Heydoorn pa haña informashon di e nulmeting riba enseñansa, ku resientemente a keda entregá.
Resientemente Minister di Enseñansa, Siensa, Kultura i Deporta a publiká ku e la risibi e rapòrt di e “nulmeting” riba nos enseñansa.
E Minister a indiká ku e ta warda riba e rapòrt aki pa e por fiha su maneho i direkshon ku nos enseñansa ta bai. Mirando ku reforma den nos enseñansa ta forma parti di Landspakket di kual e promé paso ku a dal ta hasi “nulmeting”.
Pa e motibu aki Frakshon di MAN a hasi un petishon na Presidente di Parlamento pa konforme artíkulo 33 di Reglamento di órden di Parlamento konvoká un reunion di komishon sentral.
Pa pa e reunion aki, frakshon di partido MAN ta deseá presensia di Minister Sithree Van Heydoorn komo esun responsabel pa e Ministerio di Enseñansa, Sensia, Kultura i Deporte.
Frakshon di MAN a hasi e petishon tambe pa promé ku e reunion Parlamento risibí e rapòrt di “nulmeting”.