Frakshon di MAN ke debate urgente riba sosten finansiero pa esnan débil

WILLEMSTAD. Frakshon ku petishon pa un reunion públiko ku karakter di urgensia enkuanto nos situashon finansiero di pais i tambe sosten finansiero.

Pa algun aña kaba nos situashon finansiero ta prekario.
Esaki tin komo konsekuensia ku Gobièrnu no tin tur e medionan finansiero na su disposishon pa pone e fondonan disponibel pa yuda spesialmente tur esnan ku a pèrdè trabou i pèrdè entrada i esnan mas débil den nos komunidat di un forma agudo.
Den e kuadro aki Gobièrnu di Kòrsou a hasi un apelashon na Hulanda pa un sosten finansiero pa e asina yamá ‘Noodfonds’ Covid-19.
A base di e artíkulo 36 di nos Statuut di Reino, paísnan den reino a komprometé pa yuda otro i duna sosten na otro den tempunan difísil.
Ya pa kasi 1 aña gobièrnu ta risibiendo sosten finansiero di Ulanda pa por kumpli ku su debernan.
Pa nos den e kaso aki ta importante pa e gobièrnu demishonario duna un bista na Parlamento di kon e situashon finansiero di nos pais ta aktualmente den e pandemia di covid19 i tambe medidanan tumá.
Mas aleu MAN lo ke tin un bista di kon e trayekto di entre otro NOW regeling a kana i demas sosten nan finansiero na nos komunidat.
Den e kuadro aki frakshon di MAN pa medio di un karta a hasi un petishon na presidente di parlamento pa konvoká un reunion públiko ku karakter di urgensia enkuanto situashonnan ya menshoná.
Na e reunion frakshon di MAN ta pidi presensia di Minister Kenneth Gijsbertha i Minister Steven Martina.