Formacion di Gabinete Wever Croes II ta sigui complica Awor ta mustra cu Dangui Oduber tin problema pa pasa screening

ORANJESTAD-Henter e proceso pa forma un gabinete nobo, a bin ta tumando demasiado tempo y tur loke esaki ta creando, ta un set di rumornan consistente cu pa colmo ta bin dilanti for di propio seno di e partido mas grandi den e proximo coalicion cu ta partido MEP.

Ora cu den fin di siman a sali na cla cu Minister demisionario Dangui Oduber lo no carga responsabilidad p’e cartera di turismo, hopi tabata e reaccionnan cu a surgi riba esaki cuestionando e decision di e formado y lider di MEP, Evelyn Wever Croes.