Ford ku recall riba modèlnan Bronco i Escape ku motor ku por pega na kandela

WASHINGTON – Jim Farley presidente di Ford Motor Co. a anunsiá ayera ku e modèlnan Ford Bronco Sport i Escape di aña 2020/2023 ku ta ekipá ku e motor 1.5 liter Turbo tin un problema bastante serio ku e sistema di inyektor.
Lokual ku ekspertonan di Ford Motor Co. a konstatá ta ku si e modèlnan Bronco Sport i Escape kore mas ku 240.000 kilometer e sistema di Inyector ku ta konektá ku e manifold di e motor por kuminsá lèk gasolin i asina pega e outo na kandela.
Ta trata aki di un total di 518,993 modèlnan Bronco Sport i Escape ku Ford Motor Co. a bende for di 2020 pa 2023.
Jim Farley a splika ku tur gastu di reparashon riba e modèlnan Bronco Sport i Escape ku Ford Motor Co. a bende kaba ta keda drecha gratuitamente.