For dia 6 di juli 2021: Flexibilisacion uzo tapaboca na Hospital

ORANJESTAD-Na momento cu Aruba a flexibilisa uzo di tapaboca luna pasa Hospital a tuma e decision pa sigui monitor e situacion y no stop e uzo di tapaboca ni pa trahador y tampoco bishitante.

Un luna despues cu Aruba a flexibilisa uzo di tapaboca team di maneho di HOH a tuma decision mirando cu situacion a sigui stabiel pa flexibilisa uzo di tapaboca na Hospital pa loke ta trahador y tambe bishitante.

Loke si mester tene bon na cuenta cune ta cu tin algun excepcion:

Uzo di tapaboca ta sigui obligatorio riba departamentonan di cuido na momento di tin contacto directo cu pashent (bishitante y trahador).

Uzo di tapaboca ta sigui obligatorio riba Cuido Intensivo y tambe na Departamento di Emergencia (bishitante y trahador).

Policlinicanan cu ta mira e necesidad lo sigui haci uzo di tapaboca pa protehe pashent y trahador.

Si trahador of bishitante ta desea di haci uzo di tapaboca pa proteccion of tin un sistema imunologico abou etc. esaki semper ta posibel.

Un biaha mas nos ta pidi tur hende pa cooperacion den esaki. Ta urgi tur hende pa sigui mantene na tur e recomendacionnan di higiena pa hunto sigui combati Covid-19!