For di prizon: Pedro Castillo a manda un karta pa prensa kaminda ela yama Dina Boluarte traidor

LIMA – Pedro Castillo eks presidente di Peru a skirbi un karta den prizon i ku ela entrega su abogado pa asina entrega esaki na prensa pa por publiká.
Den e karta Pedro Castillo ta yama Dina Boluarte kende ela skohe i duna e privilegio pa bira su vise presidente traidor.
E motibu dikon Pedro Castillo a yama Dina Boluarte traidor ta debí ku e tabata esun ku tabata mal informá fiskalnan di Ministerio Públiko di lokual e no tabata hasi. Pedro Castillo a bisa ku si no tabata pe ningun hende na Peru lo tabata sa ken Dina Boluarte realmente ta.
Dina Boluarte presidente di Peru a anunsiá ayera tardi den un rueda di prensa ku su konsenshi ta limpi i ku a presentá Kongreso un proyekto di lei pa tin elekshon antisipá na aprel di aña 2024.
E situashon na Peru ta serio ya ku e pueblo a lanta i ta manifestá pa tin un elekshon antisipá i ku ta eksigí liberashon di Pedro Castillo.