Internashonal
Foko di Covid-19 na kosta di isla Chines : Ta pone ku 80.000 turista mester pasa tèst sino lo nan no haña pèrmit pa biaha
PEKIN – Tin un isla turístiko ku ta pertenesé na China ku yama Sanya di kual tur aña tin miónes di turista ta bishita e isla.
Parse ku tin un foko di Covid-19 na e isla aki di kual for di djasabra gobiernu di China a eksigí prueba negativo pa por sali for di e isla ku yama Sanya.
Aparentemente for di djasabra último un total di 358 turista a tèst positivo di Covid-19 di kual 189 mester a keda interná den hospital.
Departamento di sanidat na China a pidi koperashon di tur e hendenan ku a keda pega na e isla di Sanya i manera ku por demostrá ku esaki ta tèst negativo lo permití ku e turistanan por bandoná e isla. Tin turistanan merikano tambe pega na e isla di Sanya ku tin ku bai nan pais bek i ku plaka ta kabando. Hotèlnan ta ofresiendo pa redusí preis na mitar pero si no tin sèn pa paga ta kon ta hasi.