FKP a bende 60 kas mas di gobiernu na baratiyo

WILLEMSTAD – Fundashon Rif a risibi e pruebanan ku parlamento a pidi minister Cooper den staten i ku Sr. Cooper na prome instante a pone traba pa entrega. Al final minister Cooper mester a duna su doño di trabou ku ta parlamento e konvenio tog.E konvenio ta firma pa Sr. Con i direktor di HD&M.
Esaki tambe ta konfirma loke Fundashon Rif a bin ta bisa tur e dianan aki.
FKP tin na benta mas ku 60 kas di gobiernu, si di gobiernu paso e kasnan aki a wordu kumpra ku plaka di eilandgebied Curacao i Hulanda for di tempu di woningbedrijf.
Ta kon of di unda a sali ku FKP tin kas den Rif.
Ta parse ku e asuntu bergonsoso aki ku ta hole korupshon di FKP Sr. Cooper no tabata ke pa e mira lus di dia, pesei e la orkestra hinter un siman di histeria i ku aktitut di bodjón.
Un siman di insulto kaminda ta supla venenu den media ku un falta di respet total na Bario di Rif i su representante.
Pa kolmo Sr. Cooper a tribi na instiga e habitantenan pa no bai enkuentro ku Fundashon Rif di kual Sra. Marusca Manuel a organisa.
Sr. Cooper a keda ripiti parti di lei ku ta ensera Koop breek geen huur. Si ta manera Sr. Cooper a keda ripiti dikon e aktornan ku a firma e konvenio aki mester a pone por eskrito un plan di realokashon anto?
E plan di realokashon ta ensera ku ta saka hendenan di bario pone nan den otro bario Wechi ta wordu hopi menshona kaminda asina e organisashon HD&M por haña e kasnan bashi pa nan proyekto turistiko.
E konvenio aki ta komprometedor. Dikon? Pa motibu ku a firme sin aprobashon di Raad van Comisaris i esei ta kastigabel pa lei. Tin hopi kos di mala fe den e konvenio aki. Kon por a tribi di pone na bende mas ku 60 kas habita sin konsulta ku habitantenan?
Pa tur e motibu nan aki ku habitantenan ta bon na altura i ta indigna nos a akorda den e ultimo reunion ku un par di habitante ku no tin ku bai traha mainta lo bai hiba un karta pa ministerraad i parlamento.
Esei lo tuma luga djarason mainta 22 di juni 2022. Nos lo reuni na Plasa Brion pa hiba e kartanan.