Fiskal general na Rusia a pidi: Brittney Griner sentensia na 9 i mei di kastigu di prizon

MOSKU – Ayera fiskal general na Mosku a pidi 9 aña i mei di kastigu di prizon pa e basketbolista merikano Brittney Griner ku a keda detené na luna di febrüari pa poseshon i kontrabanda di droga.
E akusashon ta keda konsiderá segun fiskal Nikolái Vlasenko ku Brittney Griner tabatin droga na líkido
den su posishon na momentu ku a listr’é na aeropuerto na Mosku.
Brittney Griner kende ta un atleta profeshonal ku ta hunga Basketball femenino pa e ekipo Ruso UMMC Yekaterimburgo mes a atmití ku e tabatin e droga den su tas di lomba.
Fiskal Nikolái Vlasenko a splika ku unabes ku Brittney Griner mes a atmití su kulpabilidat esaki lo nifiká ku e kantidat di aña di prizon ku a pidi pe ta hustifiká.
Na Rusia kastigu pa posishon di droga ta un mínimo di 10 aña di kastigu di prizon segun Fiskal Nikolái Vlasenko.