Fiskal general na Peru a ordená: Pa kasa di presidente Castillo no sali for di pais pa un periodo di 36 luna

LIMA – Hugo Espino empresario ku a supuestamente a finansiá kampaña elektoral di Pedro Castillo a konfesá na fiskal general ku e dos ruman hòmbernan di kasa di e presidente ta dirigí un ret di narkotráfiko na Peru.
Den e kaso aki e plaka ku Hugo Espino a hinka den kampaña elektoral ta prosedente di narkotráfiko.
E informashon ku Ministerio Públiko tin ta ku Lilia Paredes primera dama di Peru su dos rumannan Walter
i David Paredes ta esnan ku realmente a finansiá Pedro Castillo su kampaña ku plaka di narkotráfiko.
Ta p’esei fiskalia general a emití un órden ku Lilia Paredes kasa di Pedro Castillo mester a bin entrega su pasaporte i ku no por bandoná pais durante un periodo di 36 luna.