Fiskal di Paraguay kontra krímen organisá a keda asesiná na Colombia

BOGOTA – Marcelo Pecci fiskal kontra di krímen organisá di Paraguay tabatin apénas algun dia na Colombia kaminda ela bai pasa su luna di Miel ku su pareha na e isla di Barú ku ta ubika 40 minüt ku boto for di Cartagena de Indias.
E informashon a keda konfirmá pa presidente di Paraguay, Mario Abdo Benítez kende a kondena e krímen via su kuenta di Twitter.
Marcelo Pecci (45) tabata fiskal spesialisá kontra krímen organisá, narkotráfiko, labamentu di plaka i finansiamentu di terorismo.
Mario Abdo Benítez a splika ku Marcelo Pecci a kasa dia 30 di aprel ku Claudia Aguilera konosido periodista na Paraguay.
Marcelo Pecci i Claudia Aguilera a disidí na bai pasa nan luna de Miel na e isla di Barú ku ta keda na Cartagena de Indias.
Vershon di testigunan ku a wak kiko a pasa a konfirmá ku deskonosínan a pasa basha bala riba Marcelo Pecci.
Aparentemente na luna di yanüari fiskal Marcelo Pecci tabata forma parti di un investigashon ku yama “Ultranza” ku tabata pa desmantela un organisashon kriminal ku tabata laba plaka di trafikantenan di droga na Paraguay.
Esaki ta nifiká ku e kriminalnan aki lo a laga sigi Marcelo Pecci te na Colombia i laga likide.
Mario Abdo Benítez a informá ku ela kombersá ku Iván Duque pa asina kuminsá ku un investigashon di inmediato.