FireBirds a duna Marchena Braves un bunita sapatu maron estilo di Pik di 10-3

WILLEMSTAD (C) – E ekipo di Firebirds a mustra ku bia pasa no ta un sorpresa pero ta hunga mes nan ta hunga beisbòl i pa gana ekiponan manera Marchena Braves ku tur nan estelarnan den e ekipo .
E ekipo di Firebirds sigur a bin por la goma atrobe i for di e wega promé ya nan a kue e spiritu di Marchena Braves dor di gana nan 10-6 .
Ayera Marchena Braves a bin pa tuma revancha pero esaki no a resultá paso Fire Birds a hunga atrobe pa gana i ku bon picheo a sa di dominá e bateo di Marchena Braves i tambe bolbe gana nan i di un manera fásil.
Den di 5 entrada Firebirds ta pika dilanti i despues den di 7 nan ta bai dilanti 5-3 i kue dos mas pa despues den di 8 entrada hasi e wega 10-3 .
Asina aki tambe e wega ta bin terminá pa e ekipo di firebirds.
E bia aki no ta kampanaso nan a zona pero e bia aki ta un sapatu di 10-3 pues un sapatu maron estilo di Pik Pisas riba Marchena Braves.

Akshon di wega ku Firebird na bateo.