Final di e novela Noval Djokovic a keda pone riba avion i deportá for di Oustralia

SIDNEY (C) -Tal manera por a spera e novela rondo di Novak Djokovic lo a termina asina aki ku nan ta kita e visa i deportele for di e pais.
Ayera ela tende di e korte di apelashon di e pais kende a duna di konosé ku e halamentu aden di e visa ta hustifiká.
Pero e kulpa ta sinta serka e tenista mes. .

Paso ora ta apliká pa visa bo mester kontesta preguntanan i firma ku tur loke bo a kontesta ta kuadra ku e bèrdat i nada mas ku e bèrdat
Anto e mes a atmití ku ela faya den esaki, pues esaki ta nifiká ku bo mes a kologá bo mes.
Ku e desishon di e korte aki tambe ta pone ku e no por partisipá mas na e torneo.
Ora ku un persona keda deportá for di e pais aki ta nifiká ku pa e 3 añanan benidero e persona no por drenta e pais.

E problema mes a kuminsá ora ku e organisadónan di e torneo aki a dune green light pa partisipá .

Pero nan no a tene kuenta kisas ku leinan di e pais. Anto e pais aki ta un pais kaminda kasi nan a obligá e pueblo aki pa vakuna .Anto a bin ku reglanan estrikto .

Esaki mes a pone ku 92 % di e pueblo ta vakuna.

Esaki tambe ta konta pa tur ku ke drenta e pais.
Pues tur ku drenta mester ta vakuna.

Anto ta konosí ku Novak Djokovic no ta kere den vakuna i no a vakuna.

Despues di e sentensia mesora a pone riba avion ku ta rumbo pa Dubai asina korantnan a duna di konosé
Djokovic mes ta hopi desapuntá pero ela bisa ku e ta respetá e sentensia aki.

Tambe ela deklará ku mesora lo e koperá p’asina sali for di e pais.

E situashon ta hopi laf ku tur atenshon ta riba mi i no e torneo ku ta bai kuminsá asina e tenista a bisa
Pa loke ta e minister mes e ta hopi kontentu ku e sentensia aki .

Paso di mes e ta haña ku tur e sakrifisio ku e pueblo a hasi dor di vakuna i e lunanan di lockdown mester keda protehá.

Anto ku lei ta konta pa tur hende.

Hopi ta esnan ku ta biba einan ta di akuerdo ku e desishon.