Federico Carboni a bira e prome Italiano ku a muri via eutanasia

ROMA – Federico Carboni di 44 aña di edat a bira e prome Italiano den historia di e pais ku a bai korte pa logra pa via un dòkter hasi e práktika ku eutanasia kuné.
Durante algu mas ku 10 aña Federico Carboni tabata paralítiko i ya no tabatin ningun motibu segun e pashènt pa sigi biba.
Estado físiko i mental di Federico Carboni a bai konsiderablemente atras i ku ela opta pa bai korte na 2019 pa asina pidi a asistensia di un dòkter pa muri via eutanasia.
Ta despues ku familiarnan di Federico Carboni a paga
$ 5.230 pa e proseso di eutanasia a haña un fecha pa a práktika ku asistensia di suisidio médiko.
E prosedimentu di suisidio médikamente asistí di Federico Carboni tabata bou di control di un dòkter i di anestesista ku yama Mario Riccio.
Marco Cappato ku ta aktivista di e asosashon pa eutanasia a bisa ku awor mas hende ku kier opta pa e práktika aki tin un opshon ku ta via korte.