FE I SUPERSTITUSHON

Valdemar Marcha

Algun aña pasa e outor a bin ta nota un diskrepansia grandi den Iglesia Katóliko entre gruponan distinto: entre saserdotenan, religiosonan i diverso fielnan. Hopi bes kada grupo tabata demostrá un persepshon distinto di su religion i pesei tambe hopi bes e gruponan no tabata I no ta logra komuniká bon ku otro. Esaki pasobra diferente grupo ta mira i biba su religion Katóliko na su manera.
Pa investigá e fenómeno akí mas mihó e outor a disidí pa entrevistá un kantidat responsabel di katólikonan ku ainda ta konsiderá nan mes miembro di Iglesia. Un kantidat di pregunta a ser prepará i e fielnan mester a kontestá nan. Kada un entrevista tabata independiente di manera ku e personanan no por a influensiá otro ku nan kontestanan

E entrevistanan a mustra konvinsentemente ku tin un kultura partikular denter Iglesia katóliko na Kòrsou. Loke Iglesia ta prediká formalmente no tin masha influensia riba e kreyentenan. Tin un partishon kla den dos parti igual (dikotomia): hopi kreyente ta inisiá formalmente den misa pa medio di sakramento manera boutismo,