FBI ku entrada hudisial na residensia di Donald Trump na Mar-a-Lago

WEST PALM BEACH – Donald Trump eks presidente di Merka tabata realmente furioso ayera na momentu ku agentenan di FBI a tene un entrada hudisial na su residensia na Mar-a-Lago.
E motibu segun Donald Trump ku agentenan di FBI a tene entrada hudisial na su bunita residensia na Mar-a-Lago ta debí ku partido Demokrata tin miedu ku si e postulá komo kandidato pa presidente na 2024 elo gana elekshon sigur.
Fiskal general Merrick Garland a splika ku FBI a tene un entrada hudisial na residensia di Donald Trump debí ku e eks presidente a saka dokumentonan konfidensial ku mester keda White House i bai skonde esakinan na Mar-a-Lago.
Donald Trump ta garantisá ku lokual FBI a bai buska na su residensia na Mar-a-Lago ta evidensia relashoná ku e invashon na Capitolio dia 6 di yanüari 2021.
Ta un komishon di Kongreso ku ta konsistí di miembronan di partido Demokrata ta tras di e investigashon aki i ku si mester a haña algu pronto esaki lo keda informá.
Fiskal general Merrick Garland a finalisá indikando ku Trump no tin rason ku FBI kier desakredite pero si mester atendé ku iregularidatnan ku a keda kometé durante momentu ku e tabata presidente di Merka.