Internashonal
FBI i DEA ta investigando supuesto kaso di morto Iván Márquez na Venezuela
CARACAS – Luciano Marín, alias Iván Márquez tabata bon na altura ku si e keda Venezuela su chèns pa keda bibu lo no dura muchu debí ku tabatin demasiado plaka pa kapture sea bibu of morto.
Pa kuminsá gobièrnu merikano a pone $10 mion riba kabes di Luciano Marín, alias Iván Márquez ku ta nifiká ku esun ku logra kapture of likid’é lo por kobra parti di e plaka aki.
DEA i FBI tabatin informashon ku Luciano Marín, alias Iván Márquez tabata skonde na estado Apure debí ku lidernan di kartelnan di droga tantu na Colombia komo Venezuela tabata buskando manera pa likid’é i kobra e $10 mion aki. Teniendo kuenta ku Venezuela i Merka ta den negoshashon pa sigi hasi negoshi ku Petrolio presidente Nicolas Maduro no tabata dispuesto pa sigi protehá Luciano Marín, alias Iván Márquez.
Tin rumornan ta sirkulá ku ta agentenan di SEBIN (Servicio Bolivariano De Inteligencia) mes a likidá Luciano Marín, alias Iván Márquez pa asina kobra e rekompensa di $10 mion.