Fayesidonan den aksidente di boto na Hudson River tabata turistanan Colombiano

NEW YORK – Keechant Seewell hefe di kuerpo polisial na New York a konfirmá ku e dos hendenan ku a hoga den e aksidente di boto na Hudson River tabata turistanan Colombiano.
Polis a identifiká e víktimanan komo Julian Vasquez (7) i su mama Lindelia Vasquez (47) ku tabata huntu ku su kasa i shete otro miembro familiar riba e boto ku a bòltu den Hudson River.
E famia aki tabata di vakashon na Merka i tabatin apénas algun dia na New York.
Lokual ku outoridatnan tin na informashon ta ku doño di e boto tabata sigiendo nan riba un Seadoo.
Aparentemente tabatin 10 persona riba e boto chikitu aki di apénas 21 pia i esaki lo por ta e kousa ku e boto a bòltu den Hudson River.