Fast and Furious 10 plania pa Aprel 2023

Hollywood – E di 10 edishon dje serie amerikano ‘Fast and Furious’ lo hasi su debut aki dos aña, segun e revista Variety a anunsia den nan pagina social. E fecha di lansamentu ta plania pa dia 7 aprel 2023. Ainda no a anunsia kual ta e artistanan invite pero segun spekulashonnan ‘The Rock’ ta unu sigur ku lo no bai forma parti mas, mientras ku e aktris Cardi B probablemente si lo ta bèk.
Anteriormente Fast and Furious tabata plania pa e aña aki pero e pandemia di Covid-19 a strobe. E pelikula ku su mayoria ta basa riba korementu di outonan deportivo riba velosidat i kibrando tur regla di trafiko lo tin Vin Diesel komo su kara principal, huntu ku su crew di entre otro Tyrise Gibson, Michelle Rodriguez, Ludacris, Jordana Brewster i Sung Kang.