Internashonal
Famia di tres miembro asesiná na un kampamentu na Iowa
IOWA – Mitch Mortvedt bosero di kuerpo polisial na Iowa a konfirmá ku un hòmber a asesiná un famia di
tres miembro na un konosido luga di kamper ku yama Maquoketa Caves State Park.
Polis ta investigando pa wak si e persona ku a asesiná e tres hendenan aki konosé otro.
Mitch Mortvedt a splika ku e tres hendenan ku a keda asesiná na Maquoketa Caves State Park a keda identifiká komo Tyler Schmidt (42), Sarah Schmidt (42) i Lulu Schmidt (6).
E persona ku a asesiná e famia aki a keda identifiká komo Anthony Orlando Sherwin (23) ku ta residente di Iowa.
Informashon ku Mitch Mortvedt a presentá kuné ayera ta ku por a komprondé ku despues ku Anthony Orlando Sherwin a tira e tres hendenan aki mata ela kometé suisidio.
E parke Maquoketa Caves State Park durante e periodo di aña aki ta risibí hopi hende i nunka ántes algu asin’aki a yega di pasa.
Mitch Mortvedt a splika ku nan lo sera e parke pa investigashon di e kaso di asesinato aki.