Fábrika na China a pega na kandela lagando un saldo di 36 morto

PEKIN – Ayera alrededor di 1’or di trèmerdia un fábrika registrá bou di e nòmber Kaixinda Trading ku ta keda den un zona industrial di teknologia na Anyang a pega na kandela.
Mayoria di empleadonan ku tabata trahando den e fábrika ta hende muhé i tin informashon ku solamente 7 di nan a logra sali i 36 a fayesé.
Wang Kai gobernador na Henan a indika ku e fábrika ku a kima tabata produsí produktonan di teknologia pa diferente multinashonal manera Apple, Tesla i vários marka di renombre mundial.
Outoridatnan ta informá ku nan ta sospecha ku den e kompartimentu di koriente di e edifisio tabatin un kortosirkuito ku a kousa un eksploshon i ku e luga a pega na kandela.
Resultado di lokual a pasa aki tin komo konsekuensia ku 36 persona a muri i dos ta desaparesé.