Exodo Ukraniano a alkansá un sifra rekòrt di 6.8 mion

KIEV – Rusia a invadí Ukrania dia 24 di febrüari di e aña aki i ku den apénas 3 luna di tempu aproksimadamente 6.7 mion habitante a hui sali for di e pais.
Segun datonan di Nashonnan Uni mayoria di e habitantenan di Ukrania ku a hui sali for di nan pais ta ansianonan, hende muhé i menornan di edat.
Ta premirá ku durante e atakenan di Rusia riba Ukrania durante e último tres lunanan ku a pasa un total di 15 mion habitante no tin kaminda pa biba.
Atakenan di parti forsa aéreo Ruso a kousa bastante destrukshon i ta premirá ku awor ku e situashon a plakia tin mas Ukranianonan kier regresá nan pais bek.
Polonia ta e pais ku a akohe más refugiado Ukraniano den aktual krísis ku un total di (3.6 mion), miéntras ku na Rumania tin 1.1 mion i Moldavia tin 970 mil.