Eustatius a inougurá terminal nobo di su aeropuerto

Oranjestad, St. Eustatius- Na St. Eustatius djabièrnè atardi di forma festivo a inougurá e terminal nobo di e aeropuerto Franklin Delano Roosevelt.
E terminal nobo, ku a keda konstruí ku sèn di ministerio di Maneho di Awa i Infrastruktura, ta kuater biaha mas grandi ku esun anterior.
Un terminal nobo a bira sumamente urgente na St. Eustatius, despues ku orkannan Irma i Maria a hasi mas daño na e edifisio ku tabata pa gran parti di palu. Aparte di esaki, ya pa años tabata tin un plaga di komehèin den e edifisio.
E edifisio nobo a keda inougurá pa komisario Alida Francis, huntu ku miembro di Konseho Insular Reuben Merkman. Minister Cora van Nieuwenhuizen, respondabel pa e ministerio di I&W ha hiba palabra via di un grabashon di video.

Toren
Banda di e terminal nobo, a konstruí tambe un toren nobo na e aeropuerto. E aeropuerto a wòrdu konstruí dor di e kompania hulandes Van Boekel.
Foto:Harald Linkels