Europol a konfirmá ku haf di Rotterdam ta hoga ku kokaina

ROTTERDAM – Catherine De Bolle direktor di Europol a konfirmá e siman aki ku haf di Rotterdam ku ta esun ku ta risibí i deskarga mas tantu kònteiner pa aña ku kargamentunan grandi di kokaina.
Segun Catherine De Bolle na aña 2021 agentenan di duana na Rotterdam a logra konfiská un total di 70 tonelada di kokaina i pa lokual ta 2022 e sifra aki lo surpasá e kantidat di tonelada interseptá na 2021.
Ger Scheringa ku ta direktor di Haf na Rotterdam a konfirmá ku lokual Catherine De Bolle a bisa aki ta kuadra ku realidat ya ku tin hopi kònteiner ku ta yega for di paisnan den Amérika Latina ku kargamentunan grandi di kokaina aden.
Lokual ku ta hasiendo e trabou efisiente ta ku na haf di Rotterdam ta ekipá ku aparatonan manera scanner moderno ku ta interseptá paketenan di droga.
E problema serio ya ku a kartelnan di mafiosonan ku ta trafiká ku droga entre Sur Amerika pa Europa ta dirigí nan negoshinan for di Dubai.
Esaki ta bira difísil pa Europol detené e kriminalnan aki.
Catherine De Bolle a splika ku e negoshi di trafikashon di droga na Europa ta unu hopi lukrativo debí ku e demanda pa uso di kokaina ta haltu.
Ahmed Aboutaleb alkalde di Rotterdam ta lamentá ku e suidat ta hogando den kokaina i ta kondena e intensifikashon di violensia ku ta asotá e suidat.