Enfermeronan ku mas di 40 aña di servisio: “Kuida tur pashènt mané ta famia”

Willemstad- Kada enfermero mester kuida tur pashènt manera ta famia nan ta. Asina enfermeranan Rachel Polonius-Martha (63) i Sildra Esposa (63) a deklará na NOBO relashoná ku Dia Internashonal di Enfermeria. Nan a indiká ku esei mester ta e regla di tur enfermero.
E enfermeronan a sigui nan kurso di enfermeria na IFE, den e edifisio riba e kura di hospital bieu. Hasi e trabou tin ora ta dushi pero tambe momentunan difísil. Pero semper mester kòrda riba e pashènt.
Sildra Esposa ta e persona ku a komponé e himno di enfermero, na aña 1999. “Tur bia ku mi kant’e mi ta emoshoná”, asina Sildra Esposa ta bisa. Segun Mathilda e tempu ta kambia, pero e enfermero mester kòrda riba bienestar di e persona ku e ta kuida ku pasenshi i ku amor.
Rachel Polonius-Martha, ta 43 miembro di CBV, di kua e tabata shopsteward 15 aña. Riba e pregunta si tin rekonosimentu pa nan trabou, ela kontesta tin bia si pero no tur bia. “Mi ta determiná na sigui hasi mi trabou ku mesun amor””, Rachel Polonius- Martha a bisa.