Empleadonan di e haf di mas grandi na Inglatera a kuminsá 8 dia di wèlga

LONDRES – Ayera djadumingu 21 di Ougùstùs aproksimadamente 2.000 empleado di e haf di mas importante na Inglatera a kuminsá ku un wèlga di 8 dia.

Tin indikashon ku na e haf di Felixstowe ku ta kanalisá ku mas di mitar di e tráfiko di kònteinernan ku ta drenta i sali for di Inglatera ta kompletamente paralisá entrante ayera.
Sindikato Unite ta representá e empleadonan di haf na Felixstowe ta buskando mihó kondishonnan di pago i laboral pa nan miembronan.
Sharon Graham sekretaria general di e sindikato Unite a sigurá ku su miembronan a rechasá e oferta di un oumento salarial di 7% teniendo kuenta ku nan a pidi 10,1 %.

E empleadonan ku ta laborá na e haf di Felixstowe ta di opinion ku nan mester a haña e oumento aki na 2017 i ta kasi sinku aña despues ainda ta buska manera pa negoshá algu ku nan meresé.
Pa lokual ta e promé mitar di aña 2022 kaba e haf di Felixstowe a hasi un ganashi di 78 mion Pound Sterling.

Sharon Graham ta splika ku e oumento aki ta kita apénas 10 porshento di e haf su ganashi ku ta lokual ta hustu pa duna e empleadonan ku ta hasiendo tremendo trabou.